ادناه نص مكالمة بين مواطنين عراقيين، أحدهما من كربلاء والآخر من بغداد.
بخت الجلبي !!
صالح الحمداني
ألوو .. ها أبو كرار إشلونك ؟
أهلا أبو مجتبى ، نحمدُ الله ونشكُرُه ..
وين إنت ؟ أشو يمك خبصه وهوسه ..
في كربلاء المقدسة أغاتي ..
نسألكم الدعاء مولانا ..
أنتو أهل الدعاء أغاتي ..
شنو هاي يكولون : ( الحجي ) يريد يروح للصين ؟
أي والله أغاتي .. ( الحجي ) دايخ بهالبلد .. يريد يسويلكم الكهرباء .. ويبنيلكم شقق واطئة الكلفه ..
ليش مو وقع عقود وي كوريا الجنوبيه قبل كم شهر على محطات كهربائية .. وشقق بالآجل ؟
أبو مجتبى : الحجي بيناتنه ، الكوريين أنسحبوا من الأتفاق !
أيباه .. يمكن شوّر بيكم الجلبي .. والله بخيت ( منعول الوالدين ) !!
لا يابه .. الجلبي شنو .. قابل أمام معصوم ويشور بينه .. بعدين شسويناله أحنا ؟
ليش هو بس الأمام المعصوم يشور ؟ .. مو طردتوا أبن أخته خطيه ، علمود كَاللكم : عقود صفقة كوريا مو قانونية .. ومقشمريكم بيها .. لك أنتم صدك ما عدكم صاحب صديق .. والينصحكم مث...
أحنه ما عدنه صاحب صديق ؟ لو إنتم ( الدفانه ) اللي كَعدتوه أربع سنين ( أيصّيد بق ) بالحريه .. وشَّور بيكم .. وظليتوا هسه بطرك وزارة الأهوار والمطال .. ليش تطلع حسنه (صوتنه) كَدام العالم ؟
المهم مولانا : نسألكم الدعاء ..
نسأل الله الأجابه ..
في أمان الله وحفظه ..
هلو !!
في أمان الله
ملاحظة: نشرت هذه المكالمة، في موقع كتابات، وللاطلاع على النص الأصلي، اضغط هنا
أستاذ مصطفى .. تحية طيبة
ردحذفلدي إقتراح إضافة تصنيف أخر بإسم الروبيضات .. ليتم الوصف كاملا من خلال التصنيفات و بكلمات مختصرة و تامة المعنى .. كذابون لصوص مجرمين رويبضات ..
عن أبي هريرة رضي الله عنه قال: قال رسول الله صلى الله عليه وسلم:
((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))،
قيل وما الرويبضة يا رسول الله ؟ .. قال: «الرجل التافه يتكلم في أمر العامة».
و السلام عليكم
بنت البلد