فزعة..

اخوان رجاءً نريد منكم فزعة، رجاءً دوروا بجيوبكم، دوروا تحت المخدة،

بالكنتور (دولاب الملابس) تحت طاولة التلفزيون، بدواليب المطبخ، دوروا زين رجاء، الاخوة الامريكان ضيعوا مبلغ بسيط من اموال العراق، يعني حوالي 6 مليارات و600 مليون دولار، صحيح هو الموضوع تافه والمبلغ مايسوى، وصارله مدة طويلة من عام 2003، واحنا مانوقف عليه، لأن الحمد لله علاقتنا وياهم أقوى من ان نضيعها على مبلغ بسيط مثل هذا، والشهادة لله هم الجماعة مايشكّون بينا، بس مع ذلك دوروا زين، لأنه المبلغ أمانة برقبتنا، واحنا نريد نساعد الاخوان، يمكن نلاقيها ويرتاح قلبهم، لأنهم ضيعوها بالعراق عدنا.

اذا واحد منكم يلقاها خل يخابرني...