والله ليست نكتة!

لبيب العراقي

محمد باقري نائب الأركان العامة للقوات المسلحة الإيرانية أدلى بتصريح هنا نقلته الوكالة الوكالة القريبة من الحرس الثوري أنه يحق لإيران أن تطالب بالسيادة على جزء من القطب الجنوبي.

واستدل البقري في مطالبته بقسم من القطب الجنوبي إلى كون بلاده تمتلك ساحلاً طويلاً على بحر عمان المتصل عبر بحر العرب بالمحيط الهندي، وبالتالي مرتبط بالمياه الدولية التي تصل هي الأخرى إلى القطب الجنوبي، قائلاً: "فمن منطلق هذه الشواطئ نتصل بالمياه الحرة ولا توجود أي يابسة تحول بيننا وبين القطب الجنوبي، وعليه بإمكاننا طبقاً للقوانين الدولية أن نطالب بالسيادة على قسم من القطب الجنوبي".

وردا على هذا التصريح قال رئيس بطارقة القطب الجنوبي السيد فريزو الأتروشي أن جميع البطاريق راح يشيلون من القطب الجنوبي ويرحلون الى القطب الشمالي أن صح هذا الخبر.

وأردف قائلا "عمي وداعت حسنية أم السمج، العيشة مع دببة القطب الشمالي هواية أرحم من مجاورة جماعة الحرس البقري والثوري. صدقوني بعد كم شهر من وصولهم الى القطب وتشتغل رحمة الله و يكعدون يدزون بينا للفضاء بدل القرود . وداعتكم يدزونا للفضاء بطاريق وينزلونا بط على السيخ ويقولون للعالم شفتوا تره الجماعة رجعوا بخير وسلامة".

أما رئيس تجمع عشائر فقمة الجنوب فأعرب عن شديد قلقه وعميق تأثره بهذه التصريحات حيث قال ان "جميع عشائر الفقمة تعيش بسلام ووئام حبايب مع البطاريق وجميع طيور المنطقة". وقال انه "ماكو داعي نصير تابعين لجماعة سليماني ونجاد وبعدين تشتغل رحمة الله على انتوا من جماعة هاي الصفحة وهذولاك  من جماعة ذيج الصفحة و كل يوم يطك بالديرة كم حوت لو قرش مفخخ  ويروح جلدنا للدباغ".

وفي لقاء تلفزيوني مباشر من القطب الشمالي مع قائد فرقة دببة القطب الشمالي للجالغي الكندي يقول فيه القائد:

الحمد لله احنا بعيدين كلش عن جماعة قاسم سليماني ... كان والله عملوا من فرائنا زوالي واشتغل القجغ على طريق قاغستان وانترس القطب الشمالي بقوارب الكاياك ساخت ايران أم البلاستك المعاد...الله يكون بعون بطاريق القطب المحتل"

...

سؤال مراح يجي بأي أمتحان ... زين ليش الهند ما تسوي نفس الشئ وتطالب بشوية ثلج من القطب... قابل راس أبو كومار أكرع ؟

 ولك محيسن الحكلي...أشو وين ما أغوص يطلعلي واحد ويسألني أنت من الباسيج لو من حرس السيًد.. هذا شنو باسيج.. نوع سمك جديد لو شنو؟

ملاحظة:

المصدر هنا.