ملاحظة:

الحوارات الواردة ادناه حقيقة وأصلية من حيث الفكرة، وقد أجريت بعض التعديلات واضافة واحدة للضرورة الدرامية, وهي تلخص حوارات دارت بين مقدم برنامج اذاعي قُدِّم بمناسبة ذكرى استشهاد السيدة زينب بنت علي بن ابي طالب، رضي الله عنهما، في اذاعة عراقية محلية بتاريخ 05-06-2012 في حوالي الساعة 17:50، من جهة وبين المتصلين من جهة أخرى:

البث الإذاعي المباشر: قصة حقيقية

فرات الدجلاوي

المقدم (بصوته الاذاعي الرخيم واللغة الفصحى): اعزائي المستمعين ارحب بكم في حلقة اليوم من برنامجنا وهو سيكون مخصصا لذكرى وفاة السيدة زينب، ام المصائب و نتلقى مكالماتكم على الارقام التالية...............ونتلقى اول مكالمة لهذا اليوم....تفضل اخي انت على الهواء مباشرة, عظم الله اجوركم....

المواطن1(بلهجة و اسلوب الجنوب):الو....

المقدم: نعم تفضل اخي انت على الهواء...عظم الله لك الاجر....

المواطن1: ها....سلامو عليكم

المقدم: وعليكم السلام....ماذا تقول في هذا المصاب الجلل؟

المواطن1: اخوي احنه نسكن بالحي(الفلاني) وصار ثلت تيام ماكو ماي...

المقدم: اخي الكريم...نحن خصصنا هذه الحلقة لمناسبة استشهاد السيدة زينب عليها السلام....وبالنسبة لموضوعك ارجو ان تتصل بالبرنامج الفلاني صباحا و سيهتم الزميل فلان بالموضوع....ماذا تقول في ام المصائب؟

المواطن1: اخوي ....آنه اتصلت الصبح بس الخط كِلش مشغول...و الماي مگطوح و الفروخ يردون يسبحون....اي مو والله گبّت ريحتهم....

المقدم: اخي ارجو ان تحاول مرة اخرى صباح غد....

المواطن1(مقاطعا): اخوي...يا صباح غد....الفروخ يردون....

المقدم(مقاطعا): نعم يبدو اننا فقدنا الاتصال.....عموما ارجو من السادة المتصلين ان يشاركوا معنا بموضوع اليوم وهو ذكرى استشهاد ام المصائب....نتلقى مشاركة اخرى....نعم انت على الهواء و عظم الله اجورك....

المواطنة 2: الو....السلام عليكم....

المقدم: وعليكم السلام و عظم الله اجورك اختي....

المواطنة2: الوووو...الووووووووو....لكن نعله عله.....الووووووووو

المقدم: نعم اختي تفضلي انت على الهواء....

المواطنة2: شلون الصحة استاااااد...ممكن اشارك بتواشيح؟

المقدم: اختي نظرا لضيق الوقت ارجو المشاركة باختصار فقط فيما يتعلق بموضوع الحلقة....

المواطنة2: استاد...شنو ضيج الوكت....اني اريد اشارك....بعدين انت ليش تنطي وكت لباقي الناس و مشاركاتهم...تره الصراحه...مشاركاتهم مو شي....و آني اقترح ،المتصلين يختصرون بحچيهم علمود اگدر اقره الموشحات مالتي....مو تدري...

المقدم(مقاطعا): نعم اشكرك اختي الكريمة على هذه الملاحظة و للأسف انتهى الوقت المخصص لك....ارجو من الاخوان والاخوات الالتزام بهذه المناسبة الاليمة وهي ذكرى استشهاد بطلة كربلاء.....نعم.... نعم يخبرني الكونترول بوجود متصل على الخط...نتلقى المكالمة ....تفضل انت على الهواء وعظم الله اجوركم.....

المواطن3: الووو...الوووو.....الووووو...

المقدم: نعم اخي تفضل...بس ارجو ان تخفض صوت الراديو و تسمعني من الهاتف....تفضل

المواطن3: ها حجّينا...سلامو عليكم.....

المقدم: تفضل اخي انت على الهواء....ماذا تقول في هذه المناسبة الاليمة؟

المواطن3:ها حجّينا....شو ماكو ...جاي ادگ على البيت...ماكو جواب و موبايلك خارج التغطية....

المقدم(و قد تحول الى اللهجة المحلية): العفو منو وياي؟ ابو نبيل؟!!!!

المواطن3: أي حجينا....شنو اخبارك؟

المقدم (محاولا العودة الى حلقة البرنامج): تفضل...استادي ابو نبيل! ماذا تقول في هذه المناسبة....

المواطن3: هههه يا مناسبة؟ والله ماكو شي....يا ابو فلان...والله بس چنه گاعدين يم علي طبره, اجانه عباس سفينة و محمد قامه....و علاء كبسوله....حبينا نسلم عليك.......والله ماكو شي.....

المقدم( محرجاً): اشكرك ابو نبيل...يبدو ان الكونترول ما منتبه لاشاراتي....

المواطن3: اگول حجيّنه....هذا علاء كاتم يريد يسلم عليك

المقدم(مقاطعا): الله يسلمه و تحياتي لكل مستمعينا و اشوفك ان شاء الله....

المواطن3: ثيمالا....و لاتنسه تجيب الفلوس وياك.....

المقدم: نعم اعزائي المستمعين، بهذا ناتي الى ختام حلقتنا لليوم و التي خصصناها لذكرى استشهاد ام المصائب ,بطلة كربلاء السيدة زينب عليها السلام....هذا فلان يستودعكم الله.

ملاحظة من الناشر:

المصدر هنا