ماذا قال سيد عباس؟

وجهات نظر

(الكاتب مجهول)

في ٢٠ ايار عام ٢٠٠٣ قال لي الاسير المرحوم عباس الياسري:

"خالي راح يجونك جماعة اسمهم المجلس الاعلى للثورة الاسلامية وعدهم فليق اسمه فيلق بدر ويدعون انهم مجاهدين وحاربوا صدام، خالي سيدهم اسمه محمد باقر الحكيم كان المشرف على تعذيبي وتعذيب آلاف الاسرى اللي يرفضون يكونون توابين (يعني يتبرون من العراق وينضمون الى ايران) وخالي كانوا يشلعون اضافرنه، واي سني كانوا يعذبوه حتى الموت، والشيعي يتعذب حتى يصير تواب.

كانوا يربطون رجل الاسير اليمنى بسيارة والرجل اليسرى بسيارة ثانية وكل سيارة تمشي بعكس الثانية ويقسمون جسم الاسير بالنص، ويخلونه بساحة ونشوف التعذيب بحيث فقدنا كل اعصابنا ومبادئنا!!
كان عدهم فيلق اسمه فيلق بدر خلصوا عمرهم بس تدريب وقبض رواتب من حكومة ايران وما طلقوا رصاصة وحدة على صدام، وخلف الله على امريكا الخلتهم يدخلون للعراق!!
وخالي كان اكو شخص اسمه عبد الحسين عبطان * اصله ايراني بس كان بالعراق وسفَّروه لايران كان مسؤول الارزاق والاكل، خالي عاقبنة مدة ٦ اشهر ينطينه بس وجبة وحدة ساعة ٣ بالليل يعني اذا نايم متحصل هاي الوجبة، وخلانة ننگطع من الضعف، وكان عبطان عندة مجموعة اسمهم "ثوار الحسين" كانوا ياخذون الاسير ويخلونه بغرفة وحده بالشتاء ويصلخونه ويشغلون المبردة عليه، ويخلونه يومين بحيث لو يموت لو يبقى طول عمره مريض.

خالي اذا شفت هذا عبطان دخل ويه هاي العصابة المتنكرة بإسم الشيعة والمذهب ذمة بركبتك تقتله وتخلص العالم منه، لان هذا حلم ايران ويريدون تعويض حرب ٨ سنوات ومحد يكدر يعوضهم غير المجلس الاعلى من يستلم الحكم، هاي نصيحتي الك يا خالي واذا الله بقاني وشفت عبطان يحرم عليه الهوة اللي اتنفسه اذا ما اكتله بيدي واخذ ثار الاف السجناء والاسرى الذين عذبهم بايران!!!

*عبطان الآن مرشح كتلة عمار الحكيم لرئاسة الوزراء!